Simula sa Lunes, February 6, ay mapapanood na ang Showtime sa noontime slot ng ABS-CBN bilang kapalit ng Happy Yipee Yehey!, na magwawakas na sa February 4.

Ang Showtime na rin ang makakatapat ng longest-running noontime program sa bansa na Eat Bulaga!, na napapanood sa GMA-7.

Sa presscon ni Karylle para sa bagong napkin brand na Jeunesse kahapon, February 1, tinanong ng PEP.ph (Philippine Entertainment Portal) ang singer-actress kung may kaba ba silang nararamdaman sa pagtatapat ng kanilang programa at ng Eat Bulaga!.

Isa si Karylle sa regular hosts ng Showtime, na makikilala na ngayon bilang It's Showtime!.

Ayon kay Karylle, "I think, yung sa mga napag-usapan namin, siyempre parang nagpa-family meeting kami, e.

"And we were talking about...sobra akong natuwa nang narinig ko yung words na yun: 'We're not here to compete with anyone, we are just going to continue making people happy.'

"And I think yun talaga yung point, e.

"Pag masyado mo kasi inisip yung ratings, medyo mali yung goal, di ba?

"So, I was talking nga din to my director from Singapore and he was telling me, 'You know, ratings is the old school way of looking at things.'"

Ang tinutukoy ni Karylle ay si Cheek Tonguein, na direktor ng kinabibilangan niyang Pan-Asian musical series na The Kitchen Musical.

Aniya pa, "So, I mean, this is from somebody outside of the country.

"So his opinion may or may not matter to us, may or may not apply, but there are more ways now to see the success of a program.

"So, I'm just keeping an open mind to see how we can talagang gauge the success of a program.

"And maybe sometimes, minsan hindi naman based do'n sa numbers ang isang program."