"Allow us to categorically state that the allegations are baseless and unfounded."

Ito ang pahayag ng advertising agency sa liham nila para sa entertainment writer na si Dolly Anne Carvajal, kaugnay sa artikulo nitong nag-walk out diumano si Carmina Villarroel sa commercial shoot ng isang milk brand.

Ipinadala ang liham na ito ng Account Supervisor ng "Agency" na si Raffy Parcon kahapon, Pebrero 3.

Ayon kasi sa artikulo ni Dolly Anne noong Enero 29 na lumabas sa national daily na Philippine Daily Inquirer:

"First, Claudine [Barretto] requested that she be given the bigger dressing room, which Carmina readily agreed to. Then Claud asked if, instead of Mina, she could be the one to wear the white long-sleeved shirt. Again, Mina did not object. Later, Claud said she needed a nap. That was fine with Mina, too. The clincher was when Claud asked to deliver the longer line in the commercial. That was the last straw; Mina walked out."

Gayunman, sa artikulong inilathala dito sa PEP.ph (Philippine Entertainment Portal) noong Miyerkules, Pebrero 1, ay itinanggi na mismo ni Carmina ang naturang insidente.

Aniya, "Hindi kami magkaaway! Friends kami! So, hindi totoo.

"Kaya nga sabi ko nga, I have to speak up.

"I have to clear this up kasi she's not here to defend herself."

(CLICK HERE for related article)

Kasalukuyang naglalakbay si Claudine kasama ang asawang si Raymart Santiago.

'WE REFUTE THE ALLEGATIONS.' Kaugnay nito, hinihiling ngayon ng Agency, sa liham nila kay Dolly Anne, na i-tama ang diumano'y "misinformation" ng kolumnista sa kanyang artikulo.

Nilinaw nila na "smooth" at walang "disagreements" sa kanilang mga endorsers na sina Carmina Villarroel, Claudine Barretto, at Jodi Sta. Maria tuwing magkakatrabaho ang mga ito.

Iginiit din nila na ang isyung ito na isinasangkot si Carmina at ang Agency ay "false."

Kaya naman nire-"refute" ng kanilang pamunuan ang mga alegasyong inilathala sa artikulo ni Dolly Anne.