Aminado ang TV5 princess na si Jasmine Curtis Smith na fan na siya ng international singer na si David Archuleta bago pa sila nagkatrabaho sa bagong primetime mini-series ng Kapatid Network, ang Nandito Ako, na mapapanood na simula Pebrero 20 sa direksyon ni Mac Alejandre.

"Yeah, I'm a fan of David. I didn't get to follow American Idol when he was in it pero noong umuwi po ako dito sa Pilipinas, my Ate [Anne Curtis] has his album already.

"Lagi po kasi akong sumasama kay Ate, so nakita ko yung album niya sa iPad ni Ate.

"When I listened to it, sabi ko, ang galing niya," bulalas ni Jasmine.

Nakausap ng PEP.ph si Jasmine sa presscon ng Nandito Ako na ginanap kagabi, Pebrero 4, sa Meralco Fitness Center and Multi-Purpose Hall sa Pasig City.

Nakapanood na ba siya ng concert ni David?

"Hindi pa. Pero last night [Pebrero 3] when we taped the concert scene, kinilabutan kaming lahat.

"Ang galing niyang kumanta, talagang may puso. At makikita mo how he connects sa audience.

"No wonder mahal na mahal siya ng mga fans niya."

Ano ang paborito niya sa mga kanta ni David?

"'Touch My Hand' and 'A Little Not Over You.'"

WORKING WITH DAVID. Ginagampanan ni Jasmine sa Nandito Ako ang role ni Anya, isa sa mga love interest ni David who plays the role of Josh.

Ka-love triangle nila si Eula Caballero as Holly.

Ano ang pakiramdam na mapili bilang isa sa leading ladies ni David?

"Siyempre thankful po ako. Overwhelmed pa rin po ako hanggang ngayon kasi every day parang hindi pa rin ako makapaniwala.