Sa pagtatapos ng Survivor Philippines Celebrity Doubles Showdown ngayong linggo, excited daw ang host na si Richard Gutierrez kung sino ang tatanghaling Celebrity Sole Survivor. 

Sa February 10, Biyernes, nakatakdang malaman kung sino kina Mara Lopez Yokohama, Stef Prescott, at Betong Sumaya ang mananalo.

"Excited talaga ako!" sambit ni Richard nang makapanayam ng PEP.ph (Philippine Entertainment Portal) sa Party Pilipinas noong Linggo, February 5. 

Paliwanag niya, "Alam mo itong mga castaways natin, talagang naghirap sila sa isla. 

"Nakita ko talaga 'yong pinagdaanan nila. 'Yong mga emotions nila. 'Yong diskarte nila.

"So, ako, nae-excite talaga ako kung sino talaga ang magiging Celebrity Sole Survivor. 

"Hanggang sa huling araw, marami pang mga drama at twist na mangyayari na siguradong ikakagulat ng lahat."

Meron ba siyang personal bet na gusto niyang manalo?

"Alam mo, bawat castaway, makaka-relate ang mga audience natin, e. 

"Ako, masasabi ko na nakaka-relate din ako sa iba sa kanila.

"Kumbaga, may mga gagawin 'yong ibang castaways na maaaring gawin ko rin. Gano'n.

"Alam mo, bumilib ako kina Maey [Bautista] and Betong. Dahil parang in the beginning of the Top 10, parang they were feeling hopeless. 

"Na parang hindi na nila kaya. Hindi na nila kayang lumaban.

"Pero yun nga, makikita mo sa larong Survivor, patatagan talaga, e.

"Kahit hindi sila nanalo sa challenges, talagang lumaban pa rin sila.