Ayon sa lumabas na reports, nagkasagutan sina Marian at Sid sa isa sa mga huling taping ng kanilang pinagtambalang epic-serye sa GMA-7, ang Amaya.

Pero walang kumpirmasyong nanggaling mula sa magkabilang kampo tungkol sa naturang insidente.

Maging si Dingdong ay alanganing sumagot nang tanungin tungkol dito.

Paliwanag ng aktor, "Actually, I don't wanna comment about it kasi nung nakuwento sa akin ni Marian, medyo... yung istorya about it, hindi ko na pinatulan.

"Tinanong ko lang, 'May problema ba?'

"Sabi naman niya, wala.

"So I don't want to get into details na kasi baka... Siya ang nagkuwento. Sabi naman niya, wala.

"So I really don't wanna say anything 'coz I really don't know what happened."

Matalik na kaibigan ni Dingdong ang half-brother ni Sid na si Gabby Eigenmann. Hindi ba nila napag-usapan ni Gabby ang tungkol dito?

"No, we haven't talked about it. Siguro the fact na walang ganung usapan is because wala talagang nangyari.

"Ako, I will trust Marian's word and what she says," sagot ni Dingdong.

Ayon pa sa aktor, hindi pa sila nagkikita ni Sid magmula nang pumutok ang balita.

CLICK HERE to read Part 2.