Masaya si Bela Padilla sa sunud-sunod na proyekto niya sa GMA-7.

Bukod kasi sa kanyang afternoon soap opera na Hiram na Puso ay ipapalabas na ang pelikulang My Kontrabida Girl, kung saan makakasama niya sina Aljur Abrenica at Rhian Ramos.

Nakapanayam ng PEP.ph (Philippine Entertainment Portal) at iba pang media si Bela kaninang tanghali, Marso 1, sa presscon ng My Kontrabida Girl sa 17th floor Executive Lounge ng GMA Network sa Timog Avenue, Quezon City.

NOT YET HER PEAK. Sinabi niya sa amin na bagamat sunud-sunod ang kanyang proyekto sa Kapuso network, pakiramdam niya'y hindi pa ito ang "peak" ng kanyang career.

"I can honestly say na I haven't reached my peak yet, this is not my peak yet.

"I'm climbing up pa lang.

"So, mas aabangan siguro nila 'yong talagang 'pag moment ko na... hindi ko pa feel na moment ko na ngayon.

"I'm gonna have my own moment, but it's not here yet," saad ng 21-year-old Kapuso talent.

SEXY BELA. Samantala, bukod sa kanyang mga proyekto sa GMA-7, naging abala rin si Bela para sa cover shoot niya sa nangungunang glossy men's magazine na FHM.

Si Bela ang cover girl para sa March at anniversary issue ng FHM ngayong taon.

Ayon sa young actress, noong nakaraang taon pa siya kinukuhang maging cover girl, pero ilang beses niya raw itong tinanggihan.

Paliwanag ni Bela, "I backed out the last minute because I wasn't ready yet.

"I don't want to give people half-big performances.

"So, it's unfair to FHM kasi they'll gonna spend a lot, 'tapos mukha kang hindi ready, di ba?

"So, I wanted to give them a performance na they'll remember—and I think I've achieved that naman."