Isa sa mga namamayagpag na afternoon show ng Kapamilya network ay ang Angelito Batang Ama, kunsaan tampok ang tambalan nina JM de Guzman at Charee Pineda.

Nagkaroon ng pagkakataon ang PEP.ph (Philippine Entertinment Portal) na makausap si Charee sa isang event sa Sto. Tomas, Batangas.

Natutuwa niyang ibinalita sa amin ang magagandang nangyayari sa kanyang career.

Ayon sa young actress, "Okey na okey po ako at masaya for what happened about Batang Ama. Sobrang happy.

"Actually, wala sa contract ko talaga yung show. Parang nabigyan ako ng chance na maging leading lady ni JM.

"Eto nga po, medyo maganda naman yung mga feedback na naririnig namin at nakukuha ko, kaya masaya po kami at extended pa kami hanggang May, na dapat, March po ay tapos na."

PRAISES FOR JM. Puring-puri naman ni Charee ang leading man niyang si JM.

Para sa kanya, isa si JM sa puwedeng pagkatiwalaan dahil nasubukan na niya ito sa maraming bagay; lalo na sa pakikitungo sa tulad niyang babae na naghahanap ng respeto at paggalang.

Kuwento ni Charee, "Matagal na kaming magkasama ni JM, two years ago pa.

"Una sa Midnight Phantom, 'tapos sa Alyna, sa Nagsimula sa Puso.

"Pang-apat na namin ito na hindi na kami second lead lang, kami na yung mga main cast talaga.

"Maraming ugali akong nagustuhan sa kanya.

"Kami kasi ni JM, sobrang close na kami kahit off-cam, kumportable na 'ko sa kanya—at siya rin naman ay kumportable na rin sa akin.

"Malambing kasi siya at gentleman.

"Malambing kasi in the sense na alam mo yung parating nagtse-check kahit walang taping, nangangamusta, ganun.