Walang dudang nasa peak ngayon ng kanyang career si Anne Curtis dahil maya't maya ay commercials niya ang lumalabas sa TV, nakabalandra rin sa major thoroughfares ang billboard ads niya, at araw-araw ang exposure niya sa noontime show ng ABS-CBN na Showtime.

Sa panayam ng PEP.ph (Philippine Entertainment Portal) sa tinaguriang "Concert Sweetheart" matapos ang presscon proper para sa Sealed with A Kiss campaign ng Cherry Mobile, na ginanap sa Events Place sa Quezon City noong March 15, sinabi nitong hindi siya nag-aalala sa overexposure.

"Hindi naman. I'm 27, grab everything na, di ba?" masaya niyang bulalas.

"I've been in the industry for 15 years, so you know, I took everything slowly and finally everything is falling into place.

"So, bakit mo itatanggi ang mga blessings na dumarating sa iyo lalo na if you can use it in a way to pay it forward?"

Ramdam niya siyempre ang parang walang katapusang dating blessings.

"At happy naman ako," tugon niya agad. 

"Happy ako sa lahat ng mga blessings na dumadating. 

"You know, five years ago, these are the things that I would be praying about. 

"And now they're here, I'm just really, really grateful."

ONE OF THE RICHEST CELEBS? Isa na nga ba siya sa pinakamayamang artista ngayon?

"Hindi naman. Hindi naman," nakangit niyang tanggi.

Sobra kasi siyang busy at active sa showbiz.

"Sobrang busy, busy, sobrang active, sobrang pagod.

"Pero no complaints. Ginusto ko ito, di ba? Sobrang happy lang."