Naka-kahon na ang shooting ng historical action-drama launching movie ni Rocco Nacino ang Lam-ang. Pero hindi muna ito masisimulan agad-agad dahil hindi pa raw tapos ang vital setting ng movie ayon mismo sa aktor.

“Kinu-construct pa po ang village na gagamitin. 

“So, yung expected date ng shooting naming supposedly on March 31, naurong po sa April 20. 

“And yung second date ng shooting, sa May na po,” pagbabalita ni Rocco sa panayam sa kanya ng PEP.ph (Philippine Entertainment Portal).

Maliban sa training niya sa arnis, ang Filipino martial arts na gumagamit ng yantok, paulit-ulit raw na binabasa ni Rocco ang script bilang paghahanda sa kanyang characterization at dialogues.

INDIGENOUS COSTUME. Ang proyektong ito ang pinaka-daring movie na gagawin ni Rocco, lalo’t kinakailangan niyang magsuot ng bahag.

“Opo, kita yung dito ko,” sabay turo sa magkabila niyang puwet.

“Pero wholesome pa rin po!” natatawa niyang dugtong bilang paglilinaw na hindi ito isang sexy film.

Paanong wholesome? 

“Hindi ko po alam e. Nasa kanila na po yun kung gusto nilang takpan ang puwet ko!” kasunod agad ang pagtawa niya.

Pero handa ba naman siyang ipakita ang behind niya, lalo’t G-string na matatawag ang mga bahag?

“Oo nga po, e. Siyempre, gusto kong irespeto ang culture ng mga Ilokano.

"Tingnan po natin sa costume-fitting, balitaan ko kayo.”

Payag ba naman siyang ipakita ang kanyang puwet?

“Opo, I would do it.