Maayos na nakiusap si Gretchen Barretto sa mga nag-i-interview sa kanyang entertainment press, kasama na ang PEP.ph (Philippine Entertainment Portal), na sana ay huwag na siyang tanungin tungkol sa sinumang miyembro ng kanyang pamilya.

Ito ang naging tugon ng aktres nang magtanong ang PEP kung ang anak ba niyang si Dominique ay interesadong pumasok sa showbiz.

Ayon kay Gretchen, “You know, honestly, I’d like to only talk about my career.

“I don’t want to talk about my family life because I am at this point in my career wherein I feel I am a mature actor already.

“So, I’d like to keep, you know, my private life private, whatever it is.”

Nakausap ng PEP at iba pang press si Gretchen sa grand presscon ng kinabibilangan niyang bagong Kapamilya primetime teleserye, ang Princess And I, na ginanap kagabi, Abril 11, sa Dolphy Theater sa loob ng ABS-CBN compound.

Hindi pa man natatapos ang interview kay Gretchen, nagtangkang magtanong ulit ang Abante Tonite columnist na si Allan Diones tungkol sa anak ng aktres.

Nagpauna pa nga ito kay Gretchen ng “It’s up to you if you answer it or not.”

Ang sagot naman ng aktres, “I’d rather not. Because if you asked me that, that means… okay.

“I believe I mentioned already earlier that I would like to talk purely about my career. No other thing else.”

So, yung “wild rumor” you’d rather not (talk about it)?

“Whatever rumor that is, I don’t want. Because I’m not in this business for that purpose.

“Especially mag-e-air kami [ng Princess and I], parang I don’t need anything that’s negative or untrue.

“Rumors are rumors.”

Napag-alaman ng PEP na ang tinutukoy daw na “wild rumor” ay may kinalaman sa diumano’y pagbubuntis ni Dominique.