Hindi kasama si John “Sweet” Lapus sa upcoming sitcom nina Marian Rivera at Chef Boy Logro sa GMA-7, ang Tweets For My Sweets.

Nang mawala sa ere ang Show Me Da Manny, may pangako kay Sweet na dapat ay magkasama rin sila sa susunod na sitcom ng aktres.

Pero nang magkaroon ng story conference para sa Tweets For My Sweets ay nawala sa cast si Sweet.

Sa presscon ng kinabibilangang pelikula ni Sweet, ang The Mommy Returns noong Lunes, April 16, ay kinuha ng PEP.ph (Philippine Entertainment Portal) ang kanyang reaksiyon sa pagkawala niya sa cast ng bagong sitcom na ito ni Marian.

Kuwento muna niya, “Oo, kasi iyon ang sabi sa akin, I was one of the first cast ‘ata… yeah, na kinausap ng GMA.

“Ang nangyari kasi noon, last taping day ng Show Me Da Manny, e, aalis ako bago ang dinner break sa taping.

“E, that time, hindi pa namin alam na last taping day na yun.

“So, nung papaalis na ako, nilapitan ako nung PM [production manager] namin.

“Sinabi nga na, ‘Uy, after dinner supposed to be bababa yung mga boss to talk to everybody. E, aalis ka pala before dinner, so inuna ka lang namin na… this is the last taping day of Show Me Da Manny.’

“’Tapos sabi pa sa akin, ‘But rest assured, months from now, Marian will have another sitcom kasama ka pa rin doon.’”

Pero iyon nga, hindi napasama si Sweet sa Tweets For My Sweets.

Bukod kina Marian at Chef Boy, kasama sin sa cast sina Roderick Paulate, Nova Villa, Barbie Forteza, at Elmo Magalona.

“E, ganoon talaga ang buhay,” pagkikibit-balikit na lang ni Sweet.

MARIAN RIVERA. Pero na-touch daw ang comedian-TV host sa magandang gesture na ginawa ni Marian sa kanya.

Kuwento ni Sweet, “Marian called me up… in fairness sa babaeng ‘yan, napaka-sweet.