Nitong nakaraang Linggo, April 15, naibalita sa PEP Alerts ang biglaang pagsugod kay Nadia Montenegro sa Philippine Heart Center.

Sabi ni Nadia sa presscon niya kahapon, Abril 19, sa TJ Resto sa Quezon City, congenital o ipinanganak na siyang may diperensiya sa puso.

“Talagang may diperensiya ako sa puso,” banggit ng dating aktres na nakatakdang humarap sa korte laban sa talent manager na si Annabelle Rama, matapos na i-affirm ng Quezon City Prosecutor’s Office ang 14 counts of libel at 2 counts of unjust vexation and grave oral defamation na isinampa niya laban sa talent manager.

Kasama ni Nadia sa presscon ang kanyang mga abugadong sina Atty. Dexter Lacuanan at Atty. Maggie Abraham, at mga anak na sina Ynna at Anykka Asistio.

Pagpapatuloy na kuwento ni Nadia, “Two years ago, I was even supposed to join this contest, a reality contest on TV but they had to pull me out because they found out that I had a Wolf-Parkinson-White Syndrome.

“It is a congenital heart disorder, wherein my heart really doesn’t function well. Sometimes it stops, sometimes it palpitates a lot. I have irregular heartbeats.”

Ayon pa sa website na MedicineNet.com, “Wolf-Parkinson-White Syndrome is a condition characterized by abnormal electrical pathways in the heart that cause a disruption of the heart’s normal rhythm.”

Ang mga tao raw na may ganitong sakit ay nakakaranas ng sobrang bilis ng pagtibok ng puso na puwedeng ikahilo, ikahimatay, paghahabol ng hininga, at sa mga rare cases ay cardiac arrest at biglaang pagkamatay.

“Siguro talagang nung Sunday, talagang hindi ko na kinaya yung ano, at natakot na rin talaga ako,” sabi pa ni Nadia.

“Because hindi na ako makahinga, nakita na lang ako ni Tanya [Montenegro, Nadia’s sister] na nangingitim na. So, sinugod nila ako sa Heart Center…”

Singit naman si Atty. Lacuanan, “'Tsaka dagdagan ko lang yun, kaya siya tumakbo, I mean, this is something that she’s been going through. Matagal na niyang binibitbit 'yan.

“Pero natakot siya last Sunday kasi hindi puwedeng iwanan yung laban ng ganun lang, e. Mayroon siyang inumpisahang laban para sa mga bata.

"That’s why I’ve been telling her na rin na she needs to take care of her body. She needs to take care of herself.

“Kaya nga six months na ‘tong kasong ‘to, her natural instinct is immediately say a lot of things. And it was difficult on her part to keep quiet on some of these issues.

“Pero ang posisyon ko kasi ever since, may tamang forum sa lahat ng bagay.