Kapansin-pansin na maraming mga atleta o personalidad sa mundo ng sports ngayon ang pumapasok sa show business para mag-modelo o maging product endorser o gumawa ng TV commercials o mag-host ng show o maging artista.

Patok na patok nga sa mga Pinoy ang Azkals football team sa pangunguna ng magkapatid na Phil at James Younghusband na sunud-sunod ang product endorsements at madalas pang laman ng mga balita. Ang basketball player namang si Chris Tiu ay kabi-kabila ang shows sa dalawang TV networks – GMA-7 at TV5.

Tila ganito rin ang landas na tinatahak ng Philippine Basketball Association (PBA) player na si Shawn Weinstein dahil nagsisimula na siyang maging celebrity endorser para sa international sports brand na Reebok at YSA Skin Care Center.

“I am very happy to represent Reebok and YSA. They are both reputable brands and have great products and services,” sabi ni Shawn nang makausap siya ng PEP.ph (Philippine Entertainment Portal).

Ang 26-year-old na si Shawn ay isang Filipino-American professional basketball player na kasalukuyang naglalaro para sa Barako Bull Energy sa PBA. Co-managers niya sina Ronnie Henares at Lana Johnson pagdating sa kanyang product endorsements at posibleng showbiz career.

Bagama’t nakakaintindi ng Tagalog si Shawn ay hindi naman siya ganun katatas pa magsalita nito. Kaya naman kahit pinaghalong Tagalog at English ang mga tanong namin ay pinili pa rin niyang sagutin ito sa Ingles para raw mas ma-express niya ang kanyang sarili.

BASKETBALL OVER SHOWBIZ. Ngayong celebrity endorser na siya may balak ba siyang tuluyang pasukin ang showbiz at subukan ang hosting o acting?

“Right now I just want to win championships [in PBA]. But if there is a good project that suits me and I am passionate about it, I would think it over.”

Kung sakaling magkaroon nga siya ng career sa showbiz, ano ang magiging first priority niya—basketball o showbiz?

“Basketball will always come first. But I’ll still do my best when it comes to my showbiz career if given the chance.”

Nagkaroon daw siya ng “taste of showbiz” nang maging presenter siya sa nakaraang PMPC (Philippine Movie Press Club) Star Awards for Movies. Kumusta naman ang naging experience niya?

“Presenting at the PMPC star Awards was an amazing experience.  I had a lot of fun, I was honored to be asked to present especially with the extravagant list of other artistas at the event.”

READY FOR INTRIGUES. Handa na rin daw si Shawn sa pagharap sa mga intriga sa showbiz.

“Actually, I am taking the showbiz intrigue as a compliment. I never imagined that I would be given this opportunity to be talked about.”

Isang intriga ngang posibleng sumulpot ay ang pagkukumpara sa kanila ng kapwa niya basketball player na si Chris Tiu. Okay ba sa kanyang maikumpara kay Chris?