Nakausap ng PEP.ph (Philippine Entertainment Portal) sa telepono si Rochelle Pangilinan habang siya ay nagsu-shooting sa Ilocos kagabi, April 26, para sa indie (independent) film na Biag ni Lam-ang.

Dalawang araw pa lang nakakapag-shooting ang aktres mula nang dumating siya sa Ilocos noong Linggo, pagkatapos ng Party Pilipinas.

Si Rochelle ay gumaganap na Saridandan, ang leading lady ni Rocco Nacino, na gumaganap bilang Lam-Ang.

“Kahapon kasi [April 26], nag-arnis training lang kami.

“Non-stop training talaga, mahabang continuity ng training.  Tapos bukas [April 27], balik ulit kami sa shooting.”

Dugtong pa ni Rochelle, “Okay naman, masaya.  Smooth-sailing ang shooting. 

“Wala pang alat na nagaganap,”natatawang biro niya.  “Okay ang mga tao–okay ang indie.”

FIRST INDIE FILM. Unang pagkakataon pa lang ni Rochelle na gumawa ng indie film sa Bi-ag ni Lam-ang at marami na siyang naririnig tungkol sa kaibahan ng indie at mainstream.

“Iba kasi ang ine-expect ko.  Na kapag indie, parang malayo sa taping. 

“Di ba, sinasabi nga ‘pag indie, mas tipid? Pero hindi. Dito sa Lam-ang, all-out sila. 

“Pati yung ginawa nilang bahay, grabe ang ganda, ang galing–talagang well-researched na dapat katulad noon. 

“Yung mga staff, kapag nagtanong ka, alam nila ang isasagot. 

“Alam nila ang kuwento, alam nila kung ano ang mangyayari. Nakakatuwa lang.”

ACTING FREEDOM. Ayon kay Rochelle, binibigyan din siya ni director Anna Agabin ng kalayaan ng sariling atake sa karakter niya bilang Saridandan.

“Si  Direk, tatanungin ko siya, ‘Direk, ano po ba ‘to? Paano po ang gagawin ko?’ 

“Sasabihin niya sa ‘yo kung paano. Pero, sasabihin din niya kung ikaw, paano mo gagawin? 

“At saka, ang ganda ng tree house ko, yun ang bahay ko–bongga!” natatawa niyang sabi.

Ni-research din ni Rochelle ang role niya para alam niya kung sino nga si Saridandan at kung anong klaseng tao ito.

“Si  Saridandan ay isang palaban na babae… Nagtatago siya sa bahay niya.

“Masyado siyang ilag.  Masyado siyang mapagmanman sa mga Kastila. 

“Yung kapatid kasi niya, dinala sa bundok ng mga Kastila. 

“At yun ang gusto niya, mabawi yung kapatid niya.”

PROFESSIONAL CO-WORKER. May arnis fight scene sina Rochelle at Rocco dahil nangahas ang huli na pasukin ang bahay niya. 

Kinamusta namin si Rochelle tungkol kay Rocco na ngayon pa  lang niya magkakasama sa isang proyekto.