Hindi napigilang maging emosyinal at mapaluha ni Giselle o G Tongi nang magpaliwanag siya at ipagtanggol ang kanyang sarili tungkol sa isyung nagmaldita umano siya sa ilang miyembro ng entertainment press.

Napag-alaman ng  PEP.ph (Philippine Entertainment Portal) na na-offend umano sa kanya ang ilang writers na nag-interview sa kanya sa presscon noon ng nagtapos nang mini-series ng TV5, ang Nandito Ako.

Tila naging sarcastic umano ang dating ng pagsagot niya sa ilang katanungan ng press.

“Siguro kung may nao-offend man, I promise I don’t intend to.

"Siguro lumakas na rin lang ang loob ko dahil sa pinagdaanan ko rin, di ba?

“It comes to a point na nobody does things for you. You have to do it for yourself.

"Hopefully, I can inspire people to be true. Wa’ [wala] na plastic, di ba? Matanda na tayo,” umiiyak na sabi ni G.

Nakausap ng PEP si G sa grand presscon ng kinabibilangan niyang bagong primetime series ng ABS-CBN na pinagbibidahan ng Kapamilya teenstar na si Ella Cruz, ang Aryana, na ginanap sa Sulo Hotel poolside kagabi, May 1.

Halimbawa na lang daw ng tanong noon sa kanya ay kung nag-try ba siyang magkaroon ng karera sa Hollywood dahil ang bukambibig niya nga ay ang career niya sa Los Angeles.

Ang sagot niya raw ay “Hollywood is just a place and there are many other jobs in L.A!”—sa tonong tila minamaliit daw niya ang kaalaman ng nagtanong.

Paliwang ni G dito, “It is just a place. Why would anyone get offended? I live there for nine years.

“It is just a rhetoric na ‘pag sinabi mong Hollywood, parang akala nila, ‘Oh, that’s where films are made.’ But in reality, hindi, e, hindi lang doon.”

SARCASTIC ISSUE. Ano naman ang komento niya sa umano’y pagiging sarcastic niya?

“Aba, wala na akong magagawa roon.

"I cannot apologize for being who I am.