May mga death-defying scenes si Richard Gutierrez sa bagong reality-informative travel show na Pinoy Adventures ng GMA-7.

Dito, makikita si Richard na tumalon sa tubig mula sa mataas na bundok, umakyat at bumaba sa madulas na gilid ng falls, at nag-bisikleta sa mga batuhang kalsada.

Inalam ng PEP.ph (Philippine Entertainment Portal) kay Richard kung hindi siya nakakaramdam ng kaba o takot sa mga ginagawa niya sa kanyang bagong show.

“Medyo,” pag-amin niya. 

“Kinakabahan ako minsan, pero yung kaba at yung excitement turns into adrenaline [rush] which I like.

“So, I just enjoy it.

“May mga ibang activities siyempre na minsan, kinu-question ko kung kakayanin ko ba ito, pero kasi ako, I really tend to learn first. 

“Kunwari, rolling ako sa waterfalls, it’s very technical thing to do na madulas, malumot. 

“So, doon, medyo nag-alangan ako. 

"Pero nung tinuro naman sa akin kung paano, itinuro sa akin yung technique, 'tapos siniguradong safe naman, so ginawa ko naman.

“Pero yun nga, may mga times na kukuwestyunin mo kung kaya mo, pero you will never know the answer until you do it.”

DANGEROUS STUNTS. Tinanong din ng PEP kung alam ng ina niyang si Annabelle Rama ang mga delikadong ginagawa niya sa show.

“Hindi naman... hindi ko naman pinagtataguan. Alam naman ng nom ko yung mga activities. 

“Hindi ko lang sinasabi yung detalye,” nakangiti niyang sabi.

May pagkakataon bang napagalitan siya ng mommy niya dahil sa isang delikadong activity na hindi muna ipinaalam sa kanya?