Nagsumite ng isang bill sa Kongreso si Leyte Representative Lucy Torres-Gomez kaugnay ng kawalan ng CCTV cameras sa mga paliparan sa bansa.

Ang kawalan ng CCTV cameras sa ilang bahagi ng paliparan ay nadiskubre matapos ang nangyaring away sa pagitan ng mag-asawang Raymart Santiago at Claudine Barretto at ng broadcaster na si Mon Tulfo sa Terminal 3 ng Ninoy Aquino International Airport (NAIA) noong Mayo 6.

(CLICK HERE for related article)

Eksklusibong nakapanayam ng PEP.ph (Philippine Entertainment Portal) si Lucy kagabi, Mayo 10, sa launching ng librong Not On Our Watch—na tumatalakay sa mga karanasan ng mga estudyanteng aktibista noong panahon ng Martial Law.

Ginanap ang book launch sa Metropolitan Museum sa Roxas Blvd., Malate, Manila.

“I just find it strange that we’re supposed to have CCTV cameras and if we have, it’s not working,” paliwanag ni Lucy kung bakit niya ipinasa ang naturang bill sa kongreso.

“Kasi having CCTV cameras that are not working, parang it defeats its purpose of being there, di ba?

“Especially if it’s in the place as important as the airport, where the security is very important, and the CCTV camera is very imperative in ensuring the security of the people.

“So, I just found it really strange.

“Sabi ko nga, this is not about the brawl that happened. That’s just one of the many incidents that had happened in the airport.

“But, it has brought to surface the really bigger problem.

“There are real terrorist threats all over the world. Parang after naman 9/11 [attack], lahat naman tayo, we're more aware of the terrorist threats for a very progressive country.

“It’s a basic thing na we should have a CCTV camera that actually works.”

Nitong linggo niya ipinasa ang naturang bill, kaya naman maaaring sa susunod na linggo pa ito ma-discuss sa Kongreso.

LEARNING EXPERIENCE. Isa si Lucy sa mga kaibigan ng mag-asawang Claudine at Raymart sa industriya. Gayunman, ayaw na niyang magkomento tungkol sa nangyari sa kanila.

“I really don’t want to ano... I really don’t want to comment on that,” nakangiting pagtanggi ng TV host turned politician.