Pabor ang internationally acclaimed at Cannes prize-winning indie filmmaker na si Brillante Mendoza sa kasalukuyang  pagpapasulong o pagsuporta sa Superstar na si Nora Aunor para tanghaling National Artist o Pambansang Alagad Ng Sining.

Nasa Tawi Tawi ang grupo nina Direk Brillante at Nora at iba pang kabilang sa indie film project na Thy Womb nang mapaulat ang pormal na proposal [House Resolution No. 2317] na nai-file ni Bacolod Representative Anthony Golez, Jr., para gawaran ng titulong National Artist si Nora.

Sa sumunod na mga ulat at pahayag ng pagsuporta ng iba pang taga-industriya kay Nora ay nabuo sa isipan ni Direk Brillante ang gagawin ding hakbang.

Nais niyang suportahan si Nora Aunor sa pamamagitan ng anumang petisyon  na kailangan ang kanyang lagda.

Bukas din ang director sa pakikipag-ugnayan sa mga kinauukulan na may direktang kinalaman sa pagpili ng award recipient.

Sa huling panayam ng PEP.ph (Philippine Entertainment Portal) kay Direk Brillante ay matapat siyang nagpahayag ng kanyang pagsuporta.

"Kung kailangang magpadala ako ng letter sa NCCA [National Commission for Culture and the Arts] o sa CCP [Cultural Center of the Philippines] bilang personal endorsement, gagawin ko.  

"Baka makatulong yun para tiyak na mai-consider ang nomination niya," sabi ni Direk Brillante.

Mula sa mga government agencies on culture and the arts, ‘tulad ng CCP at NCCA, among others, magmumula ang nominasyon ng mga pangalang posibleng tanghaling National Artist, na pipiliin ni Pangulong Noynoy Aquino para parangalan sa taong 2013.  

"Kailangan maging solid ang support at justified ang endorsement, e," sabi rin ni Direk Brillante.

NORA AUNOR FOR NATIONAL ARTIST. Malaking bentahe at pabor kay Ate Guy, o Nora ang naging mabuti nilang ugnayan at pakikipagtrabaho sa isa't isa, para  makuha rin niya ang buong paniniwala at suporta mula sa kanyang direktor na si Brillante Mendoza.

"Dapat objective sa assessment... isaalang-alang yung credibility, more than anything else," sabi ni Brillante.

"Bakit si Nora Aunor [for National Artist]?  

"Una, from my point of view, kung hindi ko siya nakatrabaho, kung hindi ko siya nakilala, hindi ko sasabihin ito.

"Hindi ko siya maire-recommend din, in a way. Hindi ko masasabi na siya dapat [ay maging National Artist].