After Munting Heredera, ang Luna Blanca ang bagong teleseryeng tatampukan ni Camille Prats pagkatapos ng tatlong buwang pahinga and getting over the death of her husband, Anthony Linsangan.

Ang primetime series na ito ng GMA-7 ay ipalalabas simula sa Lunes, May 21, directed by Dominic Zapata.

Tinanong ng PEP. ph (Philippine Entertainment Portal) si Camille kung ano ang challenge ng role niya sa Luna Blanca.

"Dun po kasi sa Heredera, para namang walang masamang buto sa katawan ni Sandra [role ni Camille]…

“Napakabait niya kasing tao, napaka-good natured, at walang hinihiling na masama towards anybody kahit na masama na yung ginagawa sa kanya.

“Dito kasi sa role ni Rowena [papel ni Camille], she was a good-natured woman.

“Pero nung dumating yung punto na nagkaroon siya ng encounter with the engkanto at naanakan pa siya ng engkanto…

“Siyempre nagkaroon siya ng galit at hindi nawala sa kanya yung galit na yun.”

Ang mga anak ni Camille sa serye ay sina Jillian Ward bilang Luna at Mona Louise Rey bilang Blanca.

Nagkasama na noon sina Camille at Mona Louise sa Munting Heredera.

Dagdag ng aktres, “And Jillian growing up, parang iyon nga po yung challenge nung role.

“I love her because she is my daughter, but she will always remind me of that incident that I had with the engkanto.

“So mabigat ang loob ko sa kanya dahil anak siya ng engkanto, pero mahal ko siya dahil anak ko pa rin siya.”

HEARTBREAKING MEMORIES. Sumakabilang-buhay ang asawa ni Camille na si Anthony noong September 23, 2011 dahil sa nasopharyngeal cancer sa edad lamang na 31 years old. 

Naka-recover na ba siya sa dalamhating idinulot ng pagpanaw ng kanyang mister?