Matapos ang halos dalawang linggo, naging maagap si Pia Magalona sa paglalahad ng kanyang saloobin tungkol sa pagtukoy sa anak niyang si Frank Magalona bilang isa diumano sa mga nanakit at bumugbog kay Albie Casiño sa Fiamma Bar noong May 5, kaugnay ng hindi maayos na pagkikita ng young actor at ng ex-girlfriend nitong si Andi Eigenmann.

(CLICK HERE to read related story.)

Kinukondena ni Pia ang pagbibintang agad sa kanyang binatang anak gayong wala pa raw matibay na pruweba na kabilang nga si Frank sa mga kumuyog kay Albie.

Matapos ang paglalabas ng kanyang official statement, umiwas na si Pia na magsalita pa tungkol dito gaya ng pagtatangka niyang huwag na itong pag-usapan pa sa interview sa kanya ng PEP.ph (Philippine Entertainment Portal) sa presscon ng Luna Blanca noong Martes, May 15, sa Studio 6 ng GMA Network.

Sinamahan kasi ni Pia ang kanyang anak na si Arkin Magalona na isa sa cast ng nabanggit na serye. Siya rin daw ang tumatayong manager ng bata.

“I don’t wanna say anything if it’s about Frank. I don’t wanna talk about that at all, actually,” pagtanggi niyang sagutin ang pagtatangka naming pag-usapan ang isyu.

Pero no’ng sabihin namin sa kanyang nasaktan siya sa pagbibintang ng mga kung sinu-sino sa kanyang anak, nagbigay na rin ng kanyang pahayag si Pia.

“You can’t go around accusing…accuse kaya kita? Try mo?” komento niya.

Nakaka-offend ba talaga ang mapagbintangan?

“Ay, talaga! That's what I said, ‘I'm offended!

"That’s what I said...that’s it!” saad niya.

Napatawad na ba niya kung sinuman ang naglabas o nagsabing isa sa mga bumugbog kay Albie ay anak niya?

“I don’t like that, e, na napatawad or what. Basta, I’m just really offended.

“You know with the media na basta nila nilabas yung mga pangalan ng mga tao na hindi pa naman proven.

“And it’s a 21stcentury... na ganyan pa rin yung ano [kalakaran], ‘di ba?”