Pagkatapos ng halos apat na buwang pagkawala sa Pilipinas para subukan ang kanyang kapalaran sa New York, bumalik na ng bansa ang Film-Am actor-singer na si Sam Milby noong Miyerkules ng hapon, May 16.

“Masaya! I’m so happy to be back!

“It’s been almost four months na wala ako dito sa Pilipinas, Feb. 1 ako nung umalis,” pagbati ni Sam nang makausap siya ng PEP.ph (Philippine Entertainment Portal) pagdating niya sa bansa.

Ano ang nangyari sa kanya sa New York at kung may mga nakalinya na ba siyang trabaho na gagawin doon?

Ayon kay Sam, “Madaming auditions, madaming magandang nangyari.

“Ang gusto nila, mas matagal pa akong mag-stay. Pero naiintindihan nila na may prior commitments pa ako dito.

“So, babalik pa ako dun, likely around January of next year.

"May mga ongoing auditions ngayon, but yung main chunk is during those three months.”

Ayon pa kay Sam, sulit ang ginawa niyang pag-o-audition doon kung saan marami siyang natutuhan sa mga naging karanasan niya.

“I can say it’s very worth it,” sambit niya.

“It’s because of the fact that it was a great experience, all the auditions and the great feedbacks—and I’m going back.

“I know there are lots of auditions na mami-miss ko habang nandito ako, but I feel in a way different from when I left here.

“I just have more desire [to work] and I have more confidence.

“I think there’s misconception of things kasi wala akong balak dati na pumunta sa States to try it out there—but it came to me.

“There was a network that liked me and that got me an agency there, so I’m thankful sa lahat ng nangyari.”