Bukod sa pag-arte at pagmo-modelo, isa rin sa pinagkakaabalahan ngayon ni Bela Padilla ang pagsusulat.

Isa siyang kolumnista sa youth section ng daily broadsheet na Manila Bulletin at di kalaunan ay magkakaroon na rin siya ng blog sa isang website.

Matagal na palang hilig ni Bela ang pagsusulat at masaya siya dahil matutupad na niya ang isa sa kanyang pangarap.

“Actually, what I want nga, kasi the first article I wrote for Bulletin was an interview type, so I want din something like that [for my blog].

“Parang ‘A day in the life of,’ iyong gano’n.

“I know a lot of people have been doing that, pero I feel like if it comes from the point of view of an artista also, you can relate more to the other artista I’m interviewing.”

Bukod sa pagsusulat ay mahilig din daw magbasa si Bela.

Isa nga sa kanyang paborito ay ang Cosmopolitan Philippines Magazine na nagdiwang ng ika-15 anibersaryo sa NBC Tent sa The Fort, Taguig, kagabi, Mayo 17.

Sa panayam ng PEP.ph (Philippine Entertainment Portal) sa Kapuso actress, sinabi nito na nais niya sanang maging cover girl din ng naturang magazine.

“I hope so. I love reading Cosmo so I hope [they’ll put me on their cover]. Maybe one day. Let’s see.”

FHM SEXIEST. Samantala, isa pa rin sa pinagkakaabalahan ni Bela ngayon ay ang pangangampanya para sa FHM Philippines 100 Sexiest Women of the World.

“Right now po, I think I’m at number eight.

“I’m very happy [because] this is the first time na nakapasok ako sa Top 8.

“Well, actually, last year lang naman ako unang naka-join sa list so, at least, second time ko pa lang ay nasa Top 10 na ako.

“So, I’m hoping, alam mo 'yon, na mag-stay ako sa Top 10.”