"Pwedeng pag-aralan mo muna yung susunod mong scene tapos siya naman yung kukunan.

"Nakukuha rin naman yun sa editing na kukunan kayo na magkasama, tapos kukunan yung ikaw lang. Pagkatapos noon pwedeng siya lang ang kukunan para maibuhos niya lahat yung emosyon niya.”

Meron na bang partikular na young actor or actress na na-challenge siya dahil ang galing umarte?

“Simula nung nagteleserye ako… sina John Lloyd [Cruz], Bea [Alonzo], Coco [Martin], Rica [Peralejo]. Tapos yan sina JC, Nadine, nakaeksena ko sila e.”

NEW SHOW. May sisimulan na bagong show si LT sa TV5. Ang title raw nito ay Third Eye, na isang horror series at mapapanood once a week.

Patikim nga ni LT sa gagampanan niyang role, “Writer ako, author ako, may kolum ako, ako yung sumusulat nung lahat ng nangyayari.”

Sisimulan na raw ang taping ng pilot episode nito bukas, May 27. Ang direktor nito ay si Topel Lee.

RENEWING HER CONTRACT? Sa September 2012 matatapos ang kontrata ni Lorna sa TV5. Posible bang mag-renew siya ng kontrata?

“Hindi ko alam kay Nay Lolit, siya ang nakakaalam e. Depende, pag-uusapan namin yan ni Nanay after September kung ano na ang gagawin namin.”

Personally, gusto niya bang mag-stay sa TV5?

“Mas maganda siguro yung makakatrabaho ka sa lahat. Pero sabi ko nga pag-uusapan pa namin ni Nanay.”