Matapos maging cover girl ng FHM March issue ngayong taon si Bela Padilla, dumami ang mga kalalakihang nag-aabang kung kalian naman siya gaganap sa sexy roles. 

Kapansin-pansin din na mas gumanda pang lalo ang hubog ng katawan ngayon ng Kapuso actress.

“Talaga? Thank you for showing interest in me,” napabungisngis na reaksiyon ni Bela nang makapanayam ng PEP.ph (Philippine Entertainment Portal) noong Linggo, May 27, sa backstage ng Party Pilipinas. 

“Uhm…ewan ko. Minsan naiilang kasi ako. Parang nahihiya ako.

"Hindi ko alam kung sexy nga ba ako!” sabay pakawala niya ng malutong na tawa.

“A, siguro kapag right script, right project, why not? Pero hindi ko nakikitang bagay sa TV na magpa-sexy.”

SHE'S ON THE TOP TEN LIST. Sa latest survey ng FHM’s 100 Sexiest Women, balitang No. 7 ang ranking ni Bela.

Ano ang reaksiyon niya rito?

“Siyempre super happy ako. From last year’s number 77, I jumped to number 7 this year. 

“At nakakatuwa na no’ng first tally pa lang, number 8 na ako.  Hindi malalaki ang itinatalon ko. So, okay. 

"Gusto kong magpasalamat sa lahat ng mga nag-text para mag-vote sa akin. 

"Thank you so much. I really appreciate it.

“Sana mag-text pa kayo Kasi hanggang June 5 pa naman [ang botohan].”

CONTROVERSIAL COVER. Nakatulong ba sa tingin niya ‘yong pagiging controversial ng cover niya sa FHM?

Matatandaang naging usapin ang naging konsepto ng una niyang cover kung saan ay nasa gitna siya ng mga kababaihang miaitim ang balat na parang nagpapahiwatig diumano ng racism.

(CLICK HERE to read related story.)

Ayon kay Bela, “I think so. In showbiz kasi, parang feeling ko, it’s really like that. 

"Parang you have to accept the controversies kasi it’s really gonna help you.”

Handa na ba ang loob niya na rumampa sa susunod na FHM’s 100 Sexiest Women?

“My gosh!” napabungisngis ulit si Bela.

Pinaghahandaan na ba niya ito?

“Naku po! Uhm, wala pa akong ginagawang preparation kasi nagte-taping kami ng Hiram Na Puso kaya lagi akong puyat. 

“Kapag pa hindi ako kumain, baka mahimatay na ako,” patungkol sa pagdidiyeta niya sana.

ROBIN PADILLA AND BB GANDANGHARI. Balitang hindi pa rin nagkakasundo ang magkapatid na sina Robin Padilla at BB Gandanghari.

At bilang pamangkin ng dalawang nabanggit, hindi maiwasang matanong si Bela kung ano ang kanyang saloobin kaugnay nito.

Apektado ba ang kanilang pamilya dahil dito?

“Marami nang problema at controversies na dumaan sa clan namin. Pero at the end of the day, we’re still a family. 

“So I don’t think this will gonna last so long. Maaayos din iyon.

“'Di ba, magkapatid pa rin naman sila?

“And siyempre, may emotions na napi-feel nilang dalawa na kailangan nilang i-respect. 

“So, sigurado, as of now, masyado pa silang hurt. Or hindi pa nila alam kung paano iku-confront ‘yong emotions nila.

“So bigyan na lang natin sila ng time. 

"They love each other,” panghuling nasabi na lang ni Bela.