Sagot ng binata, “Siya rin po, isa siya sa closest girls sa akin, sobra.

“Marami na kaming pinagsamahang shows. Nakilala na namin ang isa’t isa.”

Pero si Bea ba ay girlfriend-material para sa kanya?

“Siyempre po, Bea Binene ‘yan, e. Para sa akin siguro.”

Ano ba ang mga nagustuhan niya kay Bea?

“’Tulad nga po ng lagi kong sinasabi, maalaga ‘yang si Bea.

“Hindi ka pababayaan niyan ‘pag kasama mo ‘yan. Hindi ka magugutom talaga.

“Sobrang bait at saka siyempre maganda. Magaling umakting.

“Sobrang bait talaga ni Bea kaya naging ka-close ko siya.”

Si Bea rin daw ang isa sa mga unang dumamay kay Jake noong mamatay ang kanyang ina.

“Nung mawala po si Mama, si Bea po yung unang-unang nagpunta sa amin.

“Nagulat nga po ako, e. Kahit nga po madaling-araw na, nagpunta pa po siya.

“Galing pa po siyang rehearsal noon. Siya po yung unang nagpunta sa bahay,” sabi ni Jake.

NEW IMAGE. Kung si Bea ay may Luna Blanca, si Jake daw ay hindi pa alam kung ano ang susunod niyang project.

Pero mapapanood pa rin naman daw siya sa Party Pilipinas at sa Walang Tulugan with the Master Showman.