“Over my dead body” ang bitaw na salita ni Alfie Lorenzo, beteranong kolumnista at manager ni Judy Ann Santos, nang matanong tungkol sa pagsasama ng kanyang alaga at ni Sam Milby sa isang nilulutong proyekto ng ABS-CBN.

Sa mga panayam sa manager ni Juday, bukas ito sa pagsasabing ayaw niyang makapareha ng alaga niya si Sam.

Nakapanayam ng PEP.ph (Philippine Entertainment Portal) at Cinema News si Sam nung dumating siya galing New York.

Sa tinurang ito ng manager ni Judy Ann, iwas magbigay ng komento si Sam.

Hiling din niya na sana ay matuloy ang nasabing proyekto, lalo’t gusto niya talagang makatrabaho ang young superstar.

Aniya, “I don’t want to comment on that, pero sana naman matuloy… sana matuloy yung teleserye.

“For me, napakasuwerte ko talaga na maka-pair si Juday, so sana tuloy talaga siya.

“Sa akin, after hearing that, I know that there are a lot of people either they don’t like you as a person or your manager. Lagi namang ganun.

“Ako, I hope for the best.

"You can let it affect you or not but for me, sana naman tuloy yung teleserye.”

Tinanong din ng PEP si Sam kung personal niyang kilala si Alfie.

Kung magkakaroon ba ng pagkakataon na magkita sila, kakausapin ba niya ito para malaman kung ano ang problema?

“Last time I saw him, matagal na.

“Nung dati, okay naman kami, so I really don’t know kung sinabi niya nga talaga yun.

“I would leave that to my management. I think that is something that they should handle.