Pumangalawa ang dating Pinoy Big Brother Double Up housemate at ang kaibigan niyang si Jan Señerpida sa kauna-unahang Jollibee Drive-Thru Cross-Country Challenge.

Dumalo ang PEP.ph (Philippine Entertainment Portal) sa awarding ceremony nito sa Sunset Pavillion ng Sofitel Hotel noong May 31.

Nasa venue rin ang girlfriend niyang si Melissa Rickks, na nagpaalam sandali sa kanyang taping ng Walang Hanggan para suportahan si Paul Jake.

Unang nakapanayam ng PEP si Melissa at dito ay inamin niyang opisyal na ang relasyon nila ni Paul Jake bilang magkasintahan.

(CLICK HERE to read Melissa’s interview.)

Dito na rin umikot ang interview ng PEP sa dating PBB housemate.

Sampung araw ang itinagal ng challenge na sinalihan ni Paul Jake at iba pang participants, kung saan inikot nila ang buong Luzon at Mindanao.

Mabilis sa pagsagot niya si Jake sa tanong namin kung na-miss ba niya si Melissa.

“Oo naman!” bulalas niya.

“Well, as we all know, we have the freedom to use the Twitter naman. So, yun.

“Pero the whole 10 days, wala kaming phone, kinuha nila. “

Sa awarding ceremony ay sumayaw siya kasama ng ibang participants para sa kanilang dance number.

Awkward man ang mga dance moves niya, halatang enjoy na enjoy si Paul Jake sa ginawa niya, lalo’t panay ang sulyap niya sa kinalulugaran ni Melissa kasunod ng pagbati, pagkaway, at pagngiti niya sa young actress.

Masaya ba siyang nandun sa venue si Melissa at sumusuporta sa kanya?

“Of course naman. Siyempre, yung taong importante sa iyo, ‘pag nakikita mo siya around, sasaya ka, di ba?” tugon niya.