Isang split decision ang kinahantungan ng boxing match nina Manny Pacquiao at Timothy Bradley sa Las Vegas, Nevada ngayong araw, June 10 (June 9 sa U.S.).

Ibinigay ng mga hurado kay Bradley ang panalo.

Bagamat hindi gaanong nagpamalas ang Pambansang Kamao ng mga inaabangang jabs at punches, marami ang hindi sang-ayon sa desisyon na ito.

Sa katunayan, kahit ang mga news outlets sa Estados Unidos ay nagsabing si Pacquiao dapat ang nanalo.

"Stunning" raw ang nangyaring split decision, ayon sa New York Times.

"Controversial decision" naman ang isinulat ng CNN, habang "shocking split decision" naman ang isinaad ng ESPN.

Maging ang mga celebrity ay nagulat sa resulta ng laban. Marami sa kanila ang nagpahayag ng pagkadismaya sa social networking site na Twitter.

Ayon kay Sharon Cuneta (@sharon_cuneta12): "MANNY WON. THAT'S MY HUMBLE OPINION. PERIOD."

Sang-ayon sa kanya ang kanyang asawa na si Sen. Kiko Pangilinan (@kikopangilinan): "Bradley got beat up good by Manny while Manny simply got roughed up a bit. So how did Bradley win?"

Nanalo daw si Pacquiao, ayon sa TV host na si Christine Babao (@ChristineBBabao): "#Pacman believes he won. He should have won."

Ganito rin ang opinyon ng singer na si Ely Buendia (@elybuendia9000): "I didn’t even watch the fight and I KNOW Manny won."

Naniniwala naman ang TV host na si Tim Yap (@officialTimYAP) na "luto" ang naging resulta: "Sometimes in a "cooking” show, you don't always get what you want. Pacquiao is still our champion. Hugs to Manny&Jinkee! #PacBradley."

Malapit dito ang opinyon ng Pinoy Big Brother host na si Robi Domingo (@robertmarion): "This boxing match is absolutely nonsense. Bradley didn't throw punches, he didn't box... he wrestled Pacquiao."

Sinisi naman ng host at model na si Marc Nelson (@QuickOffTheMarc) ang mga hurado: "my opinion. It was a tough fight & close. I still think manny won. That being said, props to Bradley for a gr8 fight. Fault is the judges."

Suporta naman ang ipinaabot ng singer na si Ogie Alcasid (@ogiealcasid): "I am still amazed at the sight of Manny praising God in defeat. He is a man of grace."