Sunud-sunod ang mga maiinit na Twitter post ni Ruffa Gutierrez kanina lamang, Hunyo 23, matapos ang birthday presentation na inihanda sa kanya ng weekend talk show ng TV5, ang Paparazzi.

“KALURX!!” ang una niyang post na sinundan ng galit pang mensahe na, “Hindi ako natuwa sa birthday presentation ng Paparazzi para sa akin. Wala kayong kwenta at wala kayong respeto.”

Patuloy pa niya sa Twitter, “The msg from Habitat for Humanity & Ms Faith of Avon Philippines was heartwarming but what happened after that was a disgrace.

“Hindi nyo man lang naisip na nanonood ang mga anak ko! Yung head ng PROGRESS Gold Milk of Wyeth was at the studio, my friends were watching.”

Pagkatapos ay inilahad niya, “Binastos ako ng Paparazzi on my birthday. I’m so sorry but THE BUZZ would never do this to me. EVER!”

Ang pinagmulan umano ng galit ni Ruffa ay nang tanungin siya ng bastos na katanungan patungkol sa mga lalaking na-link sa kanya noon.

Sa sumunod niyang tweet, sinabi ni Ruffa na hindi na siya magiging parte ng naturang weekend entertainment show.

“From this day on, I will no longer be part of Paparazzi. I will never tolerate DISRESPECT in any form done to me, to my children or to my beloved viewers.

“I refuse to be part of trashy reporting that degrades people or shames others.

“I know God will provide work for me in other ways so I can take care of my daughters.

“Lorin and Venice were watching Paparazzi earlier cuz they were excited to see my reaction on the handmade card/note they made for me.”

ANNABELLE RAMA REACTS. Ilang sandali matapos ang sunud-sunod na post ni Ruffa sa Twitter, ang ina at showbiz manager naman niyang si Annabelle Rama ang nagpahayag ng galit sa nabanggit na microblogging site.

Ilan sa kanyang mga tweet ay ang mga sumusunod:

“(1) Dapat tanggalin na yang mga... writers ng Paparazzi!

“(2) Akala nila natutuwa ang mga viewers sa mga kabastusan nila?...