Nananatili pa rin daw “critical but stable” ang kundisyon ni Dolphy.

Ito’y ayon sa statement ng pamilya Quizon, na binasa ng Head ng Patient Relations ng Makati Medical Center na si Dr. Eric Nubla kahapon, Hunyo 26.

Nakunan ng video ni Jamie Marie Elona, writer mula sa isang local daily broadsheet ang pagbabasa ni Nubla ng statement kahapon, kung saan sinabi niyang mas “responsive at active” na raw ang Comedy King.

Patunay raw nito’y ang pagngiti sa unang beses ni Mang Dolphy mula nang ma-confine siya noong nakaraang linggo.

Dagdag ni Nubla, “His physical senses seem to be heightened since he has become ticklish again. Consequently, he can also feel pain now, which shows from his facial expressions and movements from time to time— that’s a good sign.”

Paliwanag ni Nubla, magandang sensyales daw ito dahil “‘yong senses mo, ‘yong function ng body is improving, kaysa no’ng araw na hindi siya responsive.”

Patuloy pa rin daw ang isinasagawang blood transfusion kay Dolphy, bagamat tumataas na ang platelet count nito. Hindi pa rin daw kasi naaabot ng kasalukuyang platelet count ng komedyante ang target count nito.

Ngayong araw, Hunyo 27, ay nakatakdang sumailalim muli sa dialysis ang Comedy King, dahil rest day niya kahapon.

Gayunman, hindi pa rin masabi ni Nubla kung tuloy-tuloy na ang recovery ni Dolphy.

Aniya, “He’s recovering, mahirap sabihin, i-quantify ‘yon kung full o hindi.

“Like what they said, critical but stable and it’s one day at a time.

“Madami na siyang problema, e.”

Tungkol naman sa pagtanggap nila ng bisita para sa komedyante, “Visitation is stricter now as per doctor’s advice,” pahayag ni Nubla.

“[It’s] primarily because of health risks, exposure to viruses and bacteria which might put him in a compromised position because as he [Eric Quizon] can surmise, he’ll be compromised.

“Another reason is to also protect Mr. Quizon’s family, principally Mr. Quizon and his family’s privacy.