Hindi na matandaan ni Lovi Poe kung ilang taon na siyang nakakasama sa listahan ng YES! 100 Most Beautiful Stars.

Ayon sa Kapuso actres, hindi niya makakalimutan ang YES!, partikular na ang managing editor nito na si Anna Pingol, na isa sa mga unang nag-interview sa kanya nang pumasok siya sa showbiz.

“Isa talaga ang YES!... si Anna sa mga unang nag-interview sa akin at photo shoot ko ever. Naalala ko!” sabi ni Lovi nang makausap siya ng PEP.ph (Philippine Entertainment Portal).

“I’m very thankful kasi noong bago pa lang ako, isa sila sa nagtiwala sa akin na kahit paano, they think na I’ll be able to be part of this industry.

“Some people would push me away, give me a hard time.

“Isa ang YES! Magazine na parang embraced me noong bago pa lang ako.”

JAKE CUENCA. Kasabay na dumating ni Lovi sa press launch ng YES! 2012 100 Most Beautiful Stars noong Lunes, July 2, ang nali-link sa kanya ngayon na si Jake Cuenca.

Ano na nga ba ang estado ng relasyon nila?

Sabi ni Lovi, “What’s so cool about it, hindi ko siya maide-describe as dating friends as how we call it.

“Hindi siya yung pagkatapos ng isang proyekto, wala na.

“Yun nga ang maganda sa kanya, for me, it’s really good and special.

“Kasi, hindi nga nawala ang communication at pakikipagkaibigan kahit tapos na ang shooting ng My Neighbor’s Wife.”

NEW MOVIE TOGETHER. May bago na namang pagsasamahan sina Lovi at Jake na pelikula—ang indie film na Lihis sa direksiyon ni Joel Lamangan.

Pagkatapos nilang gawin ang My Neighbor’s Wife, heto’t muli na naman silang magkakasama sa pelikula.

“I’m excited kasi ang talagang naka-partner ko sa My Neighbor’s Wife was Dennis [Trillo] naman.

“This time, kami naman ni Jake ang magkakaroon ng mas maraming eksena together,” sagot niya.