“Pero ‘pag si Mariel ang nagho-host, minsan kasi wala si Willie.

“Sabi ko kay Mariel, ‘Pag alam mong mananalo na yung tao, ibigay mo na.

“Kaya nung nag-Wowowee ako, di ba, hindi ako humahawak nung mga tanong?

“Ayoko kasi. Siguradong pananalunin ko yung tao lalo na ‘pag naririnig mo na yung mga hinaing nila.”

HAVING A CHILD. Magdadalawang taon na ring kasal sina Robin at Mariel, pero hanggang ngayon ay wala pa rin silang anak.  

Kailan ba nila planong magkaroon ng anak?

“Sayang ang honeymoon!” natatawang sagot ni Robin

“Hindi ko pa kasi nae-enjoy yung buhay ko. Yung buhay ko laging… ano na agad, e, namulat na may anak ka—nag-alaga ka.

“Hindi ko na-enjoy yung mayroon kang kasama na walang mga bulilit na iniisip.

“Mahirap mag-travel na may…”

Pero si Mariel ba, okey lang sa kanya na huwag muna silang mag-anak?

“Hindi. Nung isang gabi medyo nagtatanong na yun.

“’Talaga bang hindi tayo mag-aanak?’ Medyo kinompro [confronted] ako nun.

“Sabi ko, ‘Puwede bang hindi? Pero sa ngayon, mag-enjoy muna tayo.’

“’Hanggang kelan ‘yang enjoy na ‘yan?’

“Sabi ko, ‘Malapit na yun. Ikaw naman!’”