Nakausap ng PEP.ph (Philippine Entertainment Portal) si Rica Peralejo kahapon, July 3, sa rehearsal para sa kanilang big production number sa Linggo, July 7, sa ASAP 2012 kaugnay ng 20th anniversary ng nabanggit na premiere talent management agency ng ABS-CBN.

Sa nasabing rehearsal, na ginanap sa Star Magic office, nagkita-kita ulit sina Rica at ilang mga kasamahan niya noong nagsisimula pa lang siya—sina Lindsay Custudio, Dianne dela Fuente, Jan Marini Alano, at Kaye Abad.

Dapat daw abangan ang kanilang song number na para na rin nilang reunion sa ASAP 2012 dahil minsan lang magsama-sama ang mga teen idols noong dekada '90.

THE GRADUATE! Nang maiupo na namin si Rica sa panayam na ito ay una naming kinumusta ang kanyang pag-aaral.

Nag-enroll si Rica ng kursong English Literature sa Ateneo kaya hindi siya naging masyadong visible lately sa showbiz.

Halos araw-araw nga noong nagdaang mga buwan ay nababasa namin ang kanyang tweets kaugnay sa kanyang thesis.

Sabi ni Rica, “Okay naman. Actually I’m done with school. I graduated last March.

"And sobrang nakakahinga na 'ko. Nakakatulog na ako, nakakakain na ako.”

Laman kasi ng mga tweets niya dati na medyo nahihirapan siya sa pagbuo ng kanyang thesis.

“Oo, kasi I think naman anybody who goes through thesis would really have a hard time. Pero I think more so for me because I’m a wife.

“So, hindi din naman gano’n kasimple yung buhay ko na parang nag-aaral lang ako, di ba? So, medyo adult na rin ako and I have adult responsibilities.

“So halos maloka-loka ako, pero kahit naman gano’n, it’s very fulfilling and there’s so much grace when you’re doing it. And I’m planning to do my masters also."

Balak daw kunin ni Rica sa kanyang masteral studies ang Sociological Science or Cultural Studies. Bakit ang mga itong kurso ang kanyang pinagpipilian?

“Kasi parang it helps you explain people. And basically the nature of my husband’s ministry is to deal with people," patungkol niya sa Victory Christian Fellowship, kung saan pastor ang kanyang asawang si Joe Bonifacio.

"And mas maganda sana kung makakatulong na ako do’n sa ministry namin na… like you can draft policies. You can make development studies. Mga gano’n."

RICA AND VCF. Aktibo raw si Rica sa Victory Christian Fellowship.

“Yeah, very much. I’m very active in our ministry especially after I graduated. Or even while I was still in school, I would really do a lot of church things."