Hanggang ngayon pala ay hindi pa rin makapaniwala sa tinatamasa niyang kasikatan si Richard Yap—o mas nakilala bilang si Papa Chen dahil sa successful stint niya sa Kim Chiu-starrer na My Binondo Girl.

“Di ko naman kasi naisip na magiging big hit yung character ko sa My Binondo Girl. Parang hindi ko inasahan at hindi ko naihanda yung sarili ko.

“Pero ine-enjoy ko naman yung sinasabi nilang kasikatan. Kaya nga I’m very thankful sa ABS-CBN sa pagbibigay sa akin ng break sa My Binondo Girl.

“’Tapos nasundan ng Walang Hanggan at ngayon ‘etong Be Careful With My Heart,” sabi ni Richard.

Nakausap ng PEP.ph (Philippine Entertainment Portal) si Richard sa grand presscon ng Be Careful With My Heart kagabi, July 3, sa Dolphy Theater sa loob ng ABS-CBN compound.

Pero ramdam na ba niyang sikat siya?

“Medyo… konti, kasi hindi ka na makapunta kung saan-saan by yourself… hindi naman by yourself na hindi ka mapapansin.”

Ano ang reaksyon niya na kahit saan siya pumunta ay “Papa Chen” ang tawag sa kanya?

“Minsan naiilang pa rin ako because medyo ano nga… bago tayo dito.

“So, as much as possible, I try to act as inconspicuous as possible, not to draw attention to myself.

“Pero 'pag nandun na, ina-acknowledge ko lang sila,” sabi ng commercial model turned actor.

Ano ang mga nagbago sa kanya dahil sa pagsikat niya?

“On my own, hindi naman ako nagbago as in nag-drastic na ano [pagbabago].

“Like I said, ginagawa ko pa rin kung ano yung ginagawa ko before, pero hindi na nga lang kasing dalas.”

Sa labas ng showbiz, manager si Richard ng isang furniture company na nagseserbisyo sa iba’t ibang multi-national companies. Mayroon din siyang sariling business na itinataguyod.