Halos two weeks na lang ang itatagal ng afternoon soap na Mundo Man Ay Magunaw, kaya naman nagpa-presscon ang ABS-CBN para rito noong Lunes, July 2, sa 14th floor ng ELJ Building, sa Quezon City.

Present sa presscon ang cast ng show na sina Empress, Nikki Gil, Ejay Falcon, Tessie Tomas, Eula Valdes, Sylvia Sanchez, Jayson Gainza, at Emilio Garcia.

Iisa lamang ang hiling ng cast ng Mundo Man ay Magunaw, na umere ng anim na buwan sa Kapamilya channel. Ito ay ang pag-e-extend ng show, na napamahal na raw sa kanila.

Nakausap ng PEP.ph (Philippine Entertainment Portal) si Nikki matapos ang presscon.

Isang kontrabida ang ginagampanan ng actress-TV host sa show.

Paliwanag ni Nikki, minahal na niya at ng cast ang Mundo Man Ay Magunaw dahil napakagaan nitong gawin.

“Hindi siya trabaho,” sabi niya.

“Ngayon ko lang naramdaman yung pack-up ka na, pero ayaw mo pang umuwi. Tapos na yung show, pero ayaw mo pang matapos.

"Usually, di ba, 'pag tapos na yung show, 'Uhm, bakasyon na 'ko.' Ito, parang, 'Wala ba talagang Book 2? Promise? Wala talaga?'

"Kasi nga, sobrang sarap gawin.

"Wala akong naramdamang intimidation from other artists. Walang nag-power trip na staff.

"Isa lang talaga siyang masayang pamilya, na nagkataon magandang kuwento ang naibigay sa amin.”

LEARNING TO LOVE ACTING. Dagdag pa ni Nikki, dito niya natutunang mahalin ang pag-arte. Dati raw kasi ay trabaho lang ito para sa kanya.

“Dati, trabaho siya. Dati iginagapang ko siya, dahil let's face it, ang pag-aartista, ang pagte-teleserye, hindi po ganun kadali dahil yung hours, you're working for more than 24 hours.

“Minsan 90 percent of the day, umiiyak ka, galit ka. Mabigat yung emosyon, maraming hintay.