Kumpirmado nang si Sam Milby ang magiging leading man ni Judy Ann Santos sa pagbabalik-teleserye ng aktres sa ABS-CBN. Ito ay sa kabila ng hayagang pagtutol ng manager ni Judy Ann na si Alfie Lorenzo.

Kasama ang serye nina Sam at Judy Ann sa mga bagong shows na iprinesenta sa nakaraang trade launch ng Kapamilya network.

Nang makausap ng PEP.ph (Philippine Entertainment Portal) si Sam sa studio ng ASAP 2012 noong Linggo, July 1, ay hiningi namin ang reaksiyon niya na ipinaglaban diumano siya ni Judy Ann kaya natuloy ang pagtatambal nila.

Ayon sa Fil-Am singer-actor, “Sobrang blessed ako of her stature to want to do a project with me.

“Grabe talaga, I can’t explain how blessed I am and I want to thank her for everything. I am excited to do this project.

“Right now, nag-aantay lang kami na mag-start na yung taping. Dapat nag-start na kami, pero I think may mga changes lang sa script.

“Nag-promo shoot na kami and happy ako na nung ipinalabas sa trade launch, maraming good feedbacks na nakarating sa amin.

“I know it’s a good project, ang ganda ng story, and siyempre this is my first project with Judy Ann Santos.”

PRESSURE, PRESSURE. Aminado si Sam na may pressure sa parte niya, lalo’t halos lahat ng seryeng pinagbidahan ni Judy Ann ay consistent na mataas ang ratings at tinanggap talaga ng publiko.

Saad niya, “There’s always pressure in any project, hindi mo alam kung ano ang mangyayari kahit na confident ka na maganda ang palabas.

“You just never know ang reaction ng tao, lalo na sa movie, kasi moviegoers are paying to watch—pero it’s the same thing with serye na there’s still pressure.

“But for me, it’s less pressure for the fact na alam ko kasama ko yung sobrang mahusay na aktres and powerhouse kami talaga.

“With Judy Ann, it gives me more confidence… not only because I am doing a project with her, but because alam kong marami akong matututuhan from her.

“But there’s also pressure because it’s our frist time to work together.

“Not that I’m worried if we’re able to work together, I know we can. But alam mo sa Pilipinas, uso ang mga loveteams.