Naging kontrobersiyal ang pagpasok ng taong 2012 para sa Kapuso star na si Bela Padilla.

Sa unang pagkakataon niyang maging cover girl para sa March 2012 issue ng FHM Philippines, pinutakti na siya kaagad ng intriga dahil sa pag-pose nito kasama ang ilang mga dark-skinned models.

Naakusahan na "racist" ang FHM cover, making it an international headline at pagkaka-interview ni Bela nang live sa BBC News.

Bagamat puno ng controversy ang kanyang first sexy cover, itinuring pa rin ito ni Bela na isang blessing.

Aniya sa PEP.ph (Philippine Entertainment Portal), “It didn’t break my spirit. Hindi ako na-frustrate or na-disappoint sa mga nangyari sa akin.

“Inisip ko na lang that I will turn these negative reactions ng mga tao into a positive thing.

“I always see things in a different light. Para sa akin, hindi lang ganito ang isang bagay—I believe that there is good in everything.

“Mabilis lang maghusga ang iba sa mga nakikita nila.”

DOUBLE WHAMMY. Dahil sa pagiging controversial celebrity ni Bela, hindi kataka-takang pumasok siya sa special lists na inilabas ng FHM at YES!—dalawang glossy magazines mula sa Summit Media.

Una ay sa Top 10 ng FHM Sexiest Women na mula sa 77th place last year ay umakyat si Bela sa No. 8 ngayong taon.

Kabilang naman si Bela sa "Sultry" category ng 100 Most Beautiful Stars of 2012 ng YES!; kahilera niya rito sina Sam Pinto, Solenn Heussaff, Rochelle Pangilinan, at Cristine Reyes.

Masaya raw si Bela sa “double whammy” recognition na natanggap niya.

“I am so honored that two top magazines in the country have chosen me to be part of their annual 100 list. Hindi ko po ito inaasahan talaga.

“Tama na nga sa akin yung nasa FHM 100 Sexiest ako. Sobra-sobra na ang tuwa ko doon.

“But to be part of another list, which is the Most Beautiful Stars, it makes everything that I’ve gone through worthwhile.

“Noong sabihin nga sa akin ‘yon sa magkaibang araw, ang sarap ng feeling!