Sa "Hot Mama" category ng YES! 2012 100 Most Beautiful Stars kabilang ang StarStruck 2 First Princess na si LJ Reyes.

Kasama rin sa kategorya ang mga kapwa niya hot mamas na sina Julia Clarete, Carmina Villarroel, Gladys Reyes, Andi Eigenmann, Judy Ann Santos, at Jennylyn Mercado.

First time makasama ni LJ sa 100 Most Beautiful Stars list ng YES! at natutuwa siya na napansin ang kanyang pagiging sexy kahit may baby na siya.

Sabi ni LJ, “Natuwa nga ako sa Hot Mama na category. 'Tapos kasama ko pa doon yung mga mothers na tulad ko na maalaga sa katawan.

“Hindi nga naman porke’t sinabing mother ka, wala ka nang karapatan to feel and be sexy.

“At saka importante sa amin ang mga careers namin kaya hindi kami puwedeng magpabaya—or else wala kaming magiging trabaho!”

Nakapanayam ng PEP.ph (Philippine Entertainment Portal) si LJ sa launch ng YES! 2012 100 Most Beautiful Stars ng sa Richmonde Hotel sa Eastwood City last July 2.

DARING SCENES. Talagang “hot mama” si LJ lalo na nang mag-topless siya sa katatapos niyang indie film para sa Cinemalaya Film Festival—ang Intoy Syokoy Ng Kalye Marino.

Sa Intoy, LJ plays Doray, isang prostitute na gagawin ang lahat para lang kumita ng pera upang may mapakain siya sa kanyang pamilya.

Love interest niya rito si JM de Guzman at mayroon silang love scene na kailangang magpakita ng kanyang boobs si LJ.

Kuwento ng Kapuso actress, “Noong nabasa ko naman ang script ng Intoy Syokoy, yung character kong si Doray, wala siyang kahihiyan.

“Kahit na bayarang pokpok siya, hindi niya kinakahiya kasi nga may pangangailangan ang pamilya niya.

“Hinanda ko na ang sarili ko—physically and mentally. Ayoko na kasing isipin pa ang sasabihin ng ibang tao sa gagawin ko.

“Nasa isip ko lang ay trabaho ito, aktres ako, at gagawin ko ang eksena.

“Malaki ang tiwala ko sa director naming si Lem Lorca.

“Kasi pinangako niya na maganda ang magiging shots at hindi lalabas na basta lang ako naglabas ng boobs ko.