Seksing-sexy si Andi Eigenmann sa kanyang Charina Sarte red backless mini-dress nang humarap sa press sa grand launch ng ABS-CBN primetime series na Kahit Puso’y Masugatan sa 55 Events Place, Quezon City, kahapon July 5.

Matapos ang general presscon, dinumog na ng mga reporter si Andi at agad na binato ng mga tanong.

Kahit pilit na umiiwas, napasagot na rin si Andi sa mga tanong tungkol sa dating karelasyon na si Albie Casiño—na diumano’y ama ng kanyang pitong-buwan na sanggol na babae na si Adrianna Gabrielle o Baby Ellie.

Tinanong si Andi kung ano ang masasabi niya sa balitang may dine-date nang bagong babae si Albie.

“Okay, good for him… Actually, I don’t know how to say it, pero… I don’t care!” natatawang sagot ng 22-year-old single mom.

“I don’t know how I can say it na hindi iisipin ng tao naman na... parang bitter ako or hindi pa ako nakaka-move on.

"Pero I don’t care…” tawa pang muli ni Andi.

Naging kontrobersiyal ang paghihiwalay nina Andi at Albie noong nakaraang taon. Bukod sa pagpangalan kay Albie bilang ama ng kanyang dinadala noon na sanggol, sinabi rin ni Andi na pisikal na sinasaktan o pinagbubuhatan siya ng kamay ni Albie.

(CLICK HERE to read related story.)

Itinanggi naman ng 19-year-old na binata ang mga pahayag ni Andi.

Itong taong ito, muling pinag-usapan sina Andi at Albie dahil sa reklamo ng huli na may kinalaman ang una sa pagkakabugbog dito sa Fiamma Bar nung madaling araw ng May 5.

(CLICK HERE to read related story.)

Itinanggi naman ito ni Andi. Aniya pa, ni hindi niya nga ito pinagbuhatan ng kamay.

“Hindi ko siya sinampal, binuhusan ko lang ng wine,” sabi ni Andi.

Naka-move on na raw siya mula nung maghiwalay sila ni Albie.