Nagbigay ng reaksiyon ang Chairman at CEO ng GMA Network na si Atty. Felipe Gozon sa artikulong lumabas sa business section ng isang daily broadsheet ngayong araw, July 9.

Ayon sa artikulong isinulat ni Doris Dumlao para sa Philippine Daily Inquirer—na may titulong “GMA7 acquisition price seen at P52.5B”—malapit na raw maisara ni Manny V. Pangilinan (MVP) ang deal sa pagbili ng GMA Network Inc.

Ang grupo ni MVP, sa pamamagitan ng Mediaquest Holdings Inc.—unit ng Beneficial Trust Fund ng Philippine Long Distance Telephone Co.—ang party sa buyout deal na ito na magbibigay diumano ng “close to 80-percent control of GMA 7.”

Ang basehan ng istorya ni Dumlao ay mula sa “sources familiar with the discussions” at “another source close to the sellers.”

Ayon pa sa artikulo, “The acquisition will be based on what was determined as an ‘enterprise value’ of P52.5 billion for GMA 7.”

Sa kasong ito, kasama raw sa package ang “1.5 billion in preferred shares that have five times more voting rights than common shares (now at 3.36 billion) but convertible at par to common shares at a 1:1 ratio.”

Isa pang “source close to the sellers” ang nagsabing “a deal was expected between P50 billion and P55 billion.”

Ngunit paglilinaw ni Atty. Gozon tungkol sa report na ito, “We are not the source of the information.”

Dagdag pa ng GMA-7 executive, “We have not signed anything with the supposed buyer.”