Sinabi ni Camille Prats na isang bago at ibang yugto na raw ang dapat abangan ng mga tao sa primetime drama series ng GMA-7 na Luna Blanca.

Gumaganap siya dito bilang  si Rowena, ang ina nina Luna at Blanca na ngayon ay gagampanan na nina Bea Binene at Barbie Forteza.

Nakapanayam ng PEP.ph (Philippine Entertainment Portal) at iba pang entertainment press si Camille nong Hulyo 10 sa presscon ng bagong yugto ng Luna Blanca. Ginanap ang presscon sa 17th floor ng GMA Network Center sa Timog Avenue, Quezon City.

Ikinuwento ng aktres sa amin kung ano ba ang aasahan ng mga manonood sa ikalawang yugto ng naturang teledrama.

“Kasi sa second part, they [Luna and Blanca] are more independent, ‘tapos kaya na nilang mag-isip para sa sarili nila.

“So, medyo nabawasan ako ng trabaho sa second part.

"Kasi no’ng una, parang lagi akong hanap nang hanap, akay nang akay sa mga inakay ko.

"But of course, nakaka-miss ‘yong dalawa," pagtukoy ni Camille sa child stars na sina Jillian Ward at Mona Louise Rey, na unang gumanap sa title roles.

Patuloy niya, “Dito naman, naging mas independent sila, mas naging wiser sila.

"So the story is more about how teenagers deal with the kind of life they are living in—Blanca bilang lumalaki sa dump site, si Luna sa pakikisama niya do’n sa mansion.

“So, it’s a different story, an entirely different story, medyo malayo doon sa unang kuwento.”

SAM MILBY. Samantala, hindi na rin nakaiwas si Camille sa pagtatanong ng press kung totoo ba na nagde-date sila ng Kapamilya actor na si Sam Milby.

Kamakailan kasi ay may lumabas na balitang nakita raw sila ng aktor na magkasama sa isang restaurant sa The Fort.

Halos isang taon na rin kasi nang pumanaw ang asawa ni Camille na si Anthony Linsangan dahil sa sakit na cancer.

(CLICK HERE for related article.)