Dalawang magkasunod na taon na nahirang si Sam Pinto na FHM's Sexiest Woman.

Sa loob ng mga panahong ito, hindi nawala ang intriga na diumano’y bumibili siya ng boto.

Sa press conference ng FHM 100 Sexiest Women sa Midas Hotel noong Martes ng gabi, July 10, tinanong ng ilang miyembro ng media si Sam kung naapektuhan siya ng ganoong intriga.

Nakangiting sinagot naman ito ni Sam.

Aniya, “Same lang… actually this time, it’s just my mom’s reacting… I cannot please everyone.”

Nilinaw rin ng PEP.ph (Philippine Entertainment Portal) ang naging pahayag ni Sam sa isang interview na pagkatapos niyang manalo ng dalawang taong magkasunod sa FHM, hindi na niya ika-career ang botohan sa susunod na taon.

(CLICK HERE to read related story.)

Paliwanag niya, “No, no... I don’t mean it that way. But what happened is, yun ang time na in-announce na ako ang nanalo.

“So, my head was just floating all time. But I want others to experience what I experienced.

“Kasi, grabe naman, holding this title… Hello! Ang daming nangyari sa buhay ko last year.

“I just want other girls to experience what I experienced.”

SOCIAL NETWORK CAMPAIGN. Hindi naman itinanggi ni Sam na talagang nangampanya siya sa pamamagitan ng Twitter account at Facebook fan page niya. 

Nagbigay nga ba siya ng mga regalo?

“Yes, yung mga fans ko ang nag-suggest na, ‘Why don’t you give gifts sa mga nag-vote sa ‘yo?’

“Pero yung mga gifts na yun, little things like fan sign, t-shirt... t-shirts from sponsors."

So, kung sponsors, ano ang ibig sabihin?

“So, ibig sabihin, hindi ko binibili ang mga yun. Hindi ako naglabas ng pera. Little gifts lang talaga," sabi niya.

MORE DARING. Noong rumampa siya sa victory part ng FHM last year, balot na balot ng crochet material ang suot niya. Pero ngayon daw ay iba na.