Maliban sa isang insidente, maraming magagandang nangyari sa burol ng Comedy King na si Dolphy sa Heritage Memorial Park and Crematorium sa Taguig City noong nakaraang linggo.

Nagsama-sama ang karamihan ng mga taga-showbiz upang magbigay-bugay sa Hari ng Komedya. Nagsilbi rin itong reunion para sa mga matagal nang hindi nagkikitang celebrities.

At dito rin naganap ang pagbabati ng dating matalik na magkaibigang Nadia Montenegro at Gretchen Barretto, matapos ang ilang taong hindi pag-uusap at pagkikibuan.

Matatandaang nagkaroon ng alitan ang dating Regal babies noong 2008 dahil sa pagkakalat diumano ni Nadia ng masamang balita tungkol kay Gretchen.

Kabilang na ang relasyon daw ni Gretchen sa pulitikong si Dody Puno.

Ngunit noong July 13, Biyernes, sa burol ni Dolphy sa Heritage Park ay nagtagpo sina Nadia at Gretchen. Dito na nila tinapos ang kanilang hidwaan na tumagal ng apat na taon.

(CLICK HERE to read related story.)

Sa pamamagitan ng Facebook private messaging, nakapanayam ng PEP.ph (Philippine Entertainment Portal) si Nadia kahapon, July 17.

THE UNEXPECTED MEETING. Itinanong ng PEP sa kanya kung paano nasimulan ang pagbabati nila ni Gretchen. Ano ang umpisang senaryo? Sino ang unang gumawa ng move?

Kuwento ni Nadia, “Dumating ako mga 6 p.m. sa wake, and siyempre madadaanan ko lahat ng media, konting interview, etc…

“Biglang eksakto, may kotseng dumating, bumaba sina Gretch and Tonyboy [Cojuangco, Gretchen’s partner], with Marjorie [Barretto, Gretchen’s sister].

“So I moved aside, gave way, para hindi kami magkabanggaan ng mga media at cameramen.

“Sabi ko kay Tania [Montenegro, Nadia’s sister], ‘Let them go ahead.’

“Nagkatinginan kami ni Gretch and we both smiled.

“Tapos nung nakapasok na sila sa hallway, saka naman kami naglakad going to the same direction, when biglang nakita ko si Gretch walking back to where I was.