“Finally, primetime na ulit,” ang nakangiting sabi ni Kristoffer Martin sa PEP.ph (Philippine Entertainment Portal) sa ginanap na press conference ng ikalawang yugto ng Luna Blanca last week.

Ang Book 2 Luna Blanca ay nagsimula noong Monday, July 17, sa GMA Primetime block.

Sabi ni Kristoffer, “Ngayon, masaya. Bagong atake. Not the usual loveteam naman.”

Ang bagong kapareha ni Kristoffer sa Luna Blanca ay si Bea Binene.

“Yun ang sabi nila, parang yun ang ina-assume.

"Pero sa storycon, walang specific kung kanino babagak ako at si Derrick [Monasterio], kung kanino.

"Pero masaya, kasi, bagong experience, bagong ambience ng loveteam. Bagong atake sa bawat arte.”

Ngayon pa lang daw talaga sa ikalawang yugto papasok ang karakter niya bilang si Joaquin.

Ani Kristoffer, “Ako kasi rito si Joaquin, isang teenstar, singer. Na simula pumasok sa showbiz, bumukod na sa parents.

"Kapatid ko dito si Ate Chynna [Ortaleza].

"Mabait ako rito, pero may sikretong nililihim na hindi dapat lumabas sa lahat.

“Ito ang sikreto na dapat ay abangan ng mga tao.”

DERRICK MONASTERIO. Hindi naman itinanggi ni Kristoffer na natuwa siya na sila ni Derrick ngayon ang binigyan ng pagkakataon ng GMA Network na mag-leading men sa primetime.

Sabi niya, “Oo, natuwa kami. Kasi, kami ni Derrick, nag-uusap kami niyan, 'Pare, anong project mo?' Tapos, biglang dulo, kami na pala ang magkasama!

"Masaya, kasi sa set, hindi mabigat. Hindi rin nakakapagod.