Isa si Bangs Garcia sa napaka-busy sa mga artista ngayon dahil mapapanood siya sa sunod-sunod na TV projects at pelikula.

Kasalukuyan siyang napapanood sa ABS-CBN afternoon teleserye na Kung Ako’y Iiwan Mo, kunsaan kasama niya sina Jake Cuenca at Shaina Magdayao.

Parte rin siya ng action-drama movie ni Tikoy Aguiluz na El Brujo, na pinagbibidahan nina Gerald Anderson at Jake Cuenca.

Kasama pa rin si Bangs sa youth-oriented movie na The Reunion, na pinagbibidahan nina Enchong Dee, Xian Lim, Kean Cipriano, at iba pa.

Sa unang pagkakataon naman ay mapapanood si Bangs sa isang Cinemalaya entry, ang Posas.

Directed by Lawrence Fajardo, ang Posas ay tungkol sa isang cellphone snatcher (played by Nico Antonio) na nahuli ng tatlong pulis (played by Art Acuña, Nor Domingo, Jake Macapagal).

Sa gala night ng nasabing movie, na ginanap sa CCP Main Theater noong July 22, nagkaroon ang PEP.ph (Philippine Entertainment Portal) ng pagkakataong makapanayam si Bangs Garcia.

Tinanong namin siya tungkol sa experience ng paggawa ng indie film na ito.

Kamusta naman ang experience mo sa paggawa ng Cinemalaya entry?

“I really had fun shooting it, lalo na nung nag-Quiapo ako, kasi sobrang nahirapan kami doon, at the same time nakakatawa kasi ang daming tao dun.

"Nakaikot ang mga tao sa akin. Nagkakagulo sila kaya hindi kami makapag-shoot nang maayos.

"Ang ginawa na lang nila [production], 'tinago na lang nila ako sa van, tapos pag take na, saka lang ako lalabas.

"Binibigla na lang namin ang mga tao pag nagsu-shoot na kami para kami makakuha ng magandang shots.

"Totoo lang, sobrang tagal namin doon kasi nga ang daming tao. Maski yung mga barangay tanod dun, hindi ma-control ang mga tao.”

Dahil ba sa paggawa mo ng pelikula na Posas, mas naintindihan mo na yung nangyayari sa kapulisan? Anong pakiramdam mo dun?

“Nakakatakot!

"Actually, medyo may mga alam na ako sa mga ganyan, kasi may mga lawyer naman akong tito, pero hindi ko alam na ganyan pala kalala.