Kilala ang mga teleserye ng Precious Hearts Romances (PHR) na may pagka-sexy o daring ang tema.

Dito nabigyan si Denise Laurel ng pagkakataon na maging bida at maging mapangahas bilang isang aktres.

Kagabi, July 24, sa Dolphy Theater ng ABS-CBN ay nakausap ng PEP.ph (Philippine Entertainment Portal) si Denise sa press conference ng Pintada, ang pinakabagong PHR series na nasa ikalawang linggo na ngayon.

Binati ng PEP si Denise sa pagiging bida nito sa bagong kuwento ng Precious Hearts.

Sagot naman niya, “I’m super thankful, super excited. Kasi, ang dami pang mangyayari. Marami pa kaming baon na pasabog.

“I’m so nervous, as in hindi ako nakatulog. Nakakain ako nang sobra kasi sobrang stressed ako.

“But I’m so nervous and scared that people may not like it, but ABS always releases great things and I work with great people.

“Yun lang talaga, initial na kaba.”

LIMITATIONS. Kahit nata-tag na sexy at daring ang mga PHR series, para kay Denise wala naman siyang ginawa o naipapakita pa rito bukod sa likod at cleavage niya.

Sabi niya, “They know me so well. So they really respect me, especially now I’m a mom.  

“And they know that I love my job. They know that every story that I do, binabasa ko talaga, nagre-research ako.

“Sabi nga nila, kulang na lang, mag-prod [production assistant] na 'ko.  Kasi, I really love staying even if I’m done na.

“I mean, now not so much because of my son. But even if I’m done na, I’ll stay at magpi-P.A. [personal assistant] ako. I love them talaga.”

FIRST LEAD ROLE. Sa dami ng nagawa niyang kuwento para sa PHR, gaano kaiba ang Pintada niya ngayon?

“Super different!” sambit niya.

“Ito yung pinaka-nachallenge ako, although sobrang dami ko…

"Every show na ginawa ko sa PHR have so many memories, and with each show, siyempre iba-iba ang cast. They became real friends.