Si Dingdong Dantes ang surprise guest sa birthday episode ni Marian Rivera sa kanyang weekly sitcom na Tweets for My Sweet, na kinunan noong July 24.

Sa August 12 ito ieere sa GMA-7, na tatapat sa mismong 28th birthday ni Marian.

Magkasunod ang kaarawan ng magkasintahan dahil sa August 2 naman ay ipagdiriwang ni Dingdong ang kanyang 32nd birthday.

Pero hindi pa raw nila napapag-usapan kung paano nila ito ise-celebrate.

Sabi ni Dingdong sa PEP.ph (Philippine Entertainment Portal), "Usuallly, alam mong mga planong ganyan, lumalabas lang ‘yan mga three days before.

“Parati kaming cramming pagdating sa ganun, e.

"Mapasimple, mapahindi, ang importante magkasama kami.”

Pero si Marian ay mukhang may pinaplano kung paano nito ipagdiriwang ang kanyang kaarawan.

"Baka may gagawin ako. Siguro this time, may gagawin kaming nakaplano. Sasabihin ko agad sa inyo pag naayos na namin,” sabi ng aktres.

Hindi naman daw mahilig sa party o malaking handaan ang showbiz couple, pero kung sakaling mag-celebrate sila, mas gusto raw nilang ang kanilang mga pamilya lang ang kasama at tahimik lang.

Since si Dingdong ang unang magbi-birthday, may naiisip na raw si Marian kung ano ang ibibigay na regalo para sa boyfriend.

Sabi ni Marian, "Alam ko may gusto siyang isang bag lang na lalagyan ng mga gamit niya, na nasabi niya sa akin, baka yun ang ibigay ko sa kanya.”

Si Dingdong ay wala pang naiisip kung ano ang ibibigay kay Marian, pero tiyak na meron daw.

PHILIPPINE RED CROSS. Nabanggit din ni Marian sa PEP na ang isa sa gusto niyang magawa bago matapos ang taong ito ay ang pagiging active sa Philippine Red Cross.

Aniya, "Meron kaming mga balak at nakikipag-usap kami sa kanila, sa Red Cross, na gumawa ng mga balak at dapat naming gawin.