Noon pa man ay marami na ang nagsasabi na si Epy Quizon ang pinaka-kamukha ng kanyang ama, ang yumaong Comedy King na si Dolphy.

Kaya naman kung magkakaroon daw ng pelikula tungkol sa buhay ng batikang komedyante, hindi malayong mapili si Epy na gumanap bilang si Dolphy.

Hindi naman daw ito problema sa ika-apat na anak ni Dolphy sa isa niyang partner, ang dating aktres na si Baby Smith o mas kilala bilang Pamela Ponti.

Pero nababahala raw si Epy na maaaring husgahan siya ng mga tao.

“Well, there have been talks about his film bio, play, musicals featuring him. Some people have approached me if I can do it,” sabi ni Epy nang makapanayam ito ng PEP.ph (Philippine Entertainment Portal) at ibang press sa red-carpet premiere ng Benchingko Films ng Bench.

Ito ay ginanap sa Center Stage cinema ng SM Mall of Asia kagabi, July 27.

Patuloy ni Epy, “Ang sa akin, if they ever use me as an actor, I cannot promise that I can give or fulfill… Don’t expect me to become the next Dolphy.

“I’m not gonna be the next Dolphy, trust me.

“Hindi ako ang magiging susunod na Dolphy.

"I don’t think anyone can be the next Dolphy.

“If you’re gonna ask me if I’m gonna fill in his shoes, no, I won’t. I will drown just trying on the pair of shoes of my father. “

JUST SINKING IN. Hindi man mababakas sa kanyang mukha ang kalungkutan, inamin ni Epy na hanggang ngayon ay hindi pa rin makapaniwala ang kanilang pamilya na wala na ang haligi ng kanilang tahanan.

“It’s just sinking in right now,” sabi ni Epy.

“Ngayon pa lang pumapasok talaga na wala na kaming tatay.

“Wala na 'yong commander-in-chief namin, wala na 'yong patriarch namin. He's gone.