Ang sweet nina Kris Bernal at Aljur Abrenica nang mabungaran ng PEP.ph (Philippine Entertainment Portal) noong Linggo, July 29, sa pantry malapit sa Studo 7 ng GMA Network, kung saan umere ang last episode ng Showbiz Central. 

Nagsi-share sila sa iisang hamburger at softdrinks in can.

“Hindi kasi niya ako binilhan!” natawang sabi ni Kris nang biruin namin tungkol sa ganung nakakakilig na eksena nila ni Aljur, na parang tagpo sa isang pelikula o soap opera.

Bumalik na ulit ang dating sweetness nila sa isa’t isa na nabuo nang maging magka-loveteam sila?

Sabi ng young actress, “Hindi naman sa bumalik. Ganun talaga kami ni Aljur, e.

“Ever since na nagkasama kami at naging close kami, sweet talaga kami, e.

“Kumbaga, siguro sa paningin ng iba, parang iba na ang dating.

"Pero sa amin, ganun naming i-treat ang isa’t isa, e. Ganun yung friendship namin.

“At kahit kami, hindi namin binibigyan ng malisya ‘yon.”

NEW PRIMETIME SERIES. Ano na pala ang update sa napabalitang bagong primetime series na muling pagtatambalan nila ni Aljur?

“Yung seryeng pagsasamahan namin, tuloy na tuloy na po iyon. 

“Nae-excite nga kami, e, kasi it’s a good project. 

“And it’s a big project for us. It’s a good comeback project for us.

“Pressured!” nangiting sabi pa ni Kris. 

“Pero… basta! Maganda yung proyekto.