Dati ay nabalitang nanligaw kay Kris Bernal ang young actor-politician na si Jolo Revilla.

Inakala pa nga ng marami na magiging sila. 

Pero tila naudlot ang pagkakamabutihan nila, at hanggang ngayon ay marami ang naiintriga kung ano nga ba ang nangyari.

Lalo pa’t may naging isyu na habang nanliligaw si Jolo kay Kris, bigla ring na-link ang anak ni Senator Bong Revilla sa aktres na si Jodi Sta. Maria.

Ito ba ang dahilan kaya mas maingat ngayon si Kris sa pagkilatis ng manliligaw niya?

Nangiti at sandaling nag-isip ng isasagot si Kris.

“Actually, wala akong alam tungkol diyan. Hindi ko alam ‘yan," na ang tinutukoy ay ang Jolo-Jodi rumored affair.

“Wala. Wala akong alam tungkol diyan.

“Ayokong magbitaw ng salita. Kasi hindi rin naman ako sigurado. Mahirap din, e.

“So, para na lang siguro from my past experiences, may mga natutunan ako.”

Pero bakit nga ba nauldot na maging sila ni Jolo? 

Sa panahong nanliligaw ang binatang ama sa kanya, naging obvious na gusto rin ni Kris that time ang aktor. Parang ang naging dating, may nadiskubre siya kay Jolo na hindi niya nagustuhan.

Natawang muli si Kris. 

“Wala naman akong na-discover na masama. 

“Sa totoo lang, mabait naman si Jolo at saka loyal siya. At saka napaka-approachable niya.